സസ്യഭുക്കായ ഞാനും
മിശ്രഭുക്കായ അവനും
ഭക്ഷണം കഴിക്കാന്‍
ഹോട്ടലില്‍ കയറി.
ഇവനൊരു ബീഫ് ബിരിയാണി
എനിക്ക് ചപ്പാത്തിയും കുറുമയും
അവന്‍ വാ തുറക്കും മുന്‍പേ
വെയിറ്ററെ ഞാന്‍ പറഞ്ഞയച്ചു.
നിരതെറ്റിയ
തലമുടിത്തുമ്പ്
വെട്ടിയൊതുക്കും പോലെ
ചപ്പാത്തി മുറിച്ചു തിന്നുന്ന എന്നെ
ഇടം കണ്ണിട്ടു നോക്കി അവന്‍.
തൂമ്പ പിടിച്ച് തഴമ്പിച്ച
വിരലുകള്‍ കൊണ്ട്
അവന്‍ ഇറച്ചിക്കഷണം മുറിച്ചെടുക്കുമ്പോള്‍
കാട്ടുപന്നിയുടെ കുത്തേറ്റ് പോലെ
വേദനിക്കുന്ന ഉടലുമായ് ഞാന്‍
ഞാന്‍
കുറുമയില്‍ നിന്നും
കാരറ്റ് കഷണങ്ങള്‍ പെറുക്കിയെടുക്കുമ്പൊള്‍
എടീ മുയലുകുട്ടീ
എന്നു വിളിക്കുന്ന അവന്‍.
മുഖാമുഖമിരിക്കുന്ന നമുക്കിടയില്‍
ഒരു കാളയോ കാട്ടു പോത്തോ
വരില്ലെന്നവന്‍
കാട്ടു പോത്തിന്റെ മുഖമുള്ള
ഒരു പരിചയക്കാരന്റെ കാലടിക്ക്
ചെവിയോര്‍ക്കണമെന്നു ഞാന്‍.
തീവണ്ടി സമയമടുക്കുന്നു
ഹോട്ടലില്‍ നിന്നുമിറങ്ങി നാം
പനങ്കാറ്റു വീശുന്ന സ്റ്റേഷനിലെത്തുന്നു.
എന്റെ
ഇലഞ്ഞിത്തണ്ടു പോലുള്ള വിരലില്‍
അവനൊരുമ്മ വയ്ക്കുന്നു.
പൊടുന്നനെ ഒരു സ്വപ്നം പോലെ
തീവണ്ടി പാഞ്ഞു വരുന്നു.
അവനുമ്മ വച്ച വിരല്‍
ഇപ്പോള്‍ ചുവന്ന കൊടി
ഏതു മഴ അലിയിക്കും
കൊടിയുടെ നിറം?
സിഗ്നല്‍ മാറാതെ
അവനെങ്ങനെ
എന്നെ വിട്ട് കടന്നു പോകും?
Subscribe to:
Post Comments (Atom)
23 comments:
ഉപ്പുപോലെ കവിത വരികളിലെവിടെയൊ അലിഞ്ഞുപോയിരിക്കുന്നു.വഴിതെറ്റി വന്നതു വെറുതെയായില്ല.അഭിനന്ദനം.
നിലാവേ.. (നിലാവറേ എന്നോ നിസാ എന്നോ വിളിക്കുന്നതിനേക്കാള്‍ ഇതാണ് ഭംഗി..)
കവിത ഇഷ്ടപ്പെട്ടു.. അവളുടെ ഇലഞ്ഞി തണ്ട് പോലുള്ള വിരലുകളില്‍ ഉമ്മവെച്ച് ഒരുപാടു തവണ ഞാന്‍ തീവണ്ടി കയറി പോയിട്ടുണ്ട്.. അന്നൊക്കെ സിഗ്നല്‍ ഭേദിച്ച് തീവണ്ടി അനുസരണക്കേട്‌ കാട്ടി !! യാത്രയില്‍ എനിക്ക് നോക്കിയിരിക്കാനും തലോടാനും കൈത്തണ്ടയില്‍ നഖക്ഷതങ്ങളും സമ്മാനിച്ചു ഹലുവയുടെ മണമുള്ള റെയില്‍വേ സ്റ്റേഷനില്‍ നില്‍ക്കുമ്പോള്‍ കുരുത്തംകെട്ട ഒന്നു രണ്ടു കണ്ണീര്‍ തുള്ളികള്‍ വിലക്ക് ഭേദിച്ച് പുറത്തു ചാടുന്നത് ഞാന്‍ അറിഞ്ഞിരുന്നു.....
വല്ല സ്കാന്‍ ചിത്രങ്ങളും കാണേണ്ടി വരുമോ?
:)
ആ ‘നാം’ അവിടെ ചേരുമോ?
ഓണാശംസകള്‍
ന്നായിട്ടുണ്ടു...നന്മകള്‍ നേരുന്നു
ഓണാശംസകള്‍..
നന്നായിട്ടുണ്ട്.. ആശംസകള്‍..
ഓണാശംസകളും :)
കവിത നന്നായിട്ടുണ്ട്.. ആശംസകള്‍..
ഒപ്പം നമുക്ക് സ്നേഹം കൊണ്ടൊരു പൂക്കളമൊരുക്കി നന്മയാകുന്ന മാവേലിയെ വരവേല്‍ക്കാം
എല്ലാ ബൂലോകര്‍ക്കും,
ഭൂലോകര്‍ക്കും ഹൃദയം നിറഞ്ഞ ഓണാശംസകള്‍..
അപ്പോ ഇദ്ദാണല്ലേ പരിപാടി. ഞാന്‍ വീട്ടീല് പറഞ്ഞ് കൊടുക്കും കേട്ടാ... :)
ഓണാശംസകള്‍
നന്നായിട്ടുണ്ട്
നന്നായി;
വായിച്ചു കഴിഞ്ഞപ്പോള്‍
ഓര്‍മ്മയിലെവിടെയോ
ഇലഞ്ഞിപ്പൂക്കള്‍ കൊഴിഞ്ഞുകൊണ്ടിരിക്കുന്നു...
ഈ കവിത ഇപ്പോഴാണു വായിച്ചത്‌.. നന്നായിരിക്കുന്നു.. മിശ്രബുക്കും സസ്യബുക്കും ഒന്നിക്കട്ടെ. കാട്ടുപോത്ത്‌ വഴി തടയാതിരിക്കാനും പ്രാര്‍ത്ഥിക്കാം
പാ‍ലക്കാട്ടെ കാറ്റ്
നിലാവര്‍,
എന്താണെഴുതാത്തത്...?
നന്നായിട്ടുണ്ട്.. ആശംസകള്‍..
എന്താണെഴുതാത്തത്...?
നന്നായിട്ടുണ്ട് കേട്ടോ...
സസ്നേഹം,
ജോയിസ്..!!
മനോഹരമായ കവിത. പ്രണയത്തിന്റെ നടപ്പു ഹിംസ്രമുഖങ്ങളെ നന്നായി കോറിയിടുന്നു.
ആശംസകൾ
നല്ലോരു കവിത!
നന്നായിരിക്കുന്നു...ശരിക്കും...
നിലാവേ,
ജീവിതം ഇഷ്ടപ്പെട്ടു..
വളരെ നല്ല കവിത...
ആശംസകള്‍...*
ഒരുപാടു വൈകിയാണു വായിക്കുന്നത്
ഞാന്‍
കുറുമയില്‍ നിന്നും
കാരറ്റ് കഷണങ്ങള്‍ പെറുക്കിയെടുക്കുമ്പൊള്‍
എടീ മുയലുകുട്ടീ
എന്നു വിളിക്കുന്ന അവന്‍.
മുയലുകുട്ടീ എന്നു വിളിക്കുമ്ബോള്‍ , ചിരിക്കുമ്ബോള്‍ നീ അണപ്പല്ലുകള്‍ കണ്ടില്ലല്ലോ ?
നന്നായിട്ടുണ്ട് നിലാവേ.........
വൈകി വായനെയെന്കിലും
വൈകിയിട്ടില്ലെന്ന് മനസ്
Post a Comment