Thursday, August 14, 2008

ഒളിച്ചുകളി

മഴയില്‍
ഞാന്‍ മഴയായ് വരും
-അവന്‍ പറഞ്ഞു.
എനിക്ക് മഴ കൊള്ളേണ്ട
ജാലകമെല്ലാമടച്ച്
ഞാന്‍ നിന്നെക്കുറിച്ച്
ഒരു കവിതയെഴുതും.
അവള്‍ പറഞ്ഞു തീര്‍ന്നതും
കതകില്‍ തുരുതുരെ മുട്ടു കേട്ടു.
തുറന്നു നോക്കുമ്പോള്‍
അരിവാള്‍ പോലെ വളഞ്ഞ്
ആകാശം
ആകാശം തൊട്ടതും
ഒരു മിന്നലായ് അവന്‍
വന്നവളെത്തൊട്ടു
ഇപ്പോള്‍ അവള്‍
മഴയായ് പെയ്യുകയാണ്
അവന്‍
മഴയില്‍ കുളിക്കുകയാണ്..