എന്നെ കാണാനില്ല..

അഗ്രഗേറ്റര്‍ അപ്രത്യക്ഷരാക്കുന്ന അനുഭവങ്ങള്‍ വായിച്ച് വായിച്ച്
ദാ ഈ മഴയുള്ള ഉച്ചക്ക് എന്നെയും കാണാനില്ല.
ഗൂഗിളിന് എന്തു പറ്റി ആവോ..
എന്തായാലും ഇവിടെ വരെ വന്ന കൂട്ടുകാര്‍ ഈ കവിത കൂടി വായിച്ചിട്ടു പോകൂ..
അഭിപ്രായമറിയിക്കാനും മറക്കില്ലല്ലോ..?

അവസാനത്തെ കവിത

ഞാന്‍ ചെവി കൂര്‍പ്പിച്ചതും
അവന്റെ വാക്കിനെ കാറ്റു കൊണ്ടു പോയി
കണ്ണു തുറക്കുമ്പോളേക്കും
അവന്റെ കാഴ്ചയെ
ഒരു നക്ഷത്രം പിടിച്ചെടുത്തു.
മൂക്കു വിടര്‍ത്തിയതും
അവന്റെ ഗന്ധത്തെ
മേഘങ്ങള്‍ വലിച്ചെടുത്തു.
ഞാന്‍ സ്പര്‍ശിക്കാന്‍ കൊതിച്ചതും
അവന്റെ ഉടലിനെ
മണ്ണ് ചേര്‍ത്തു പിടിച്ചു..